Uch nafar o‘zbekistonlikda koronavirus bor deya gumon qilindi

^{Foto: «CentralAsia»}
Rossiyaning Nijnevartovsk shahrida o‘zbekistonlik uch fuqaro koronavirusda gumon qilinib tekshirildi. Bu haqda «Ura.ru»ga tayanib \"Xabar\" nashri ma’lum qildi.
Ular hozirda kasallanib qolgani uchun Tyumen shifoxonalaridan birida davolanayotgan xitoylik talaba qiz bilan bitta samolyotda uchishgan va o‘zaro muloqotda bo‘lishgan.

«Xitoylik talaba bilan muloqot qilgan o‘zbekistonliklar kasal emas, sog‘liqlaridan shikoyat qilishayotgani yo‘q, ahvollari yaxshi. Shunga qaramasdan, ular yotqizildi, analizi olinib, Novosibirskka jo‘natildi», — dedi Rospotrebnadzorning Nijnevartovskdagi bo‘limi boshlig‘i Viktor Perekokin.