Yangi moda. Displeyga ega himoya niqobi yaratildi (video)

^{Foto: Hi-Tech.Mail.ru}
Amerikalik dizayner yupqa LED-displeyni yuz uchun mo‘ljallangan niqob matosiga joylashtirdi. Undan koronavirusga qarshi foydalanish mumkin, deb xabar beradi Hi-Tech.Mail.ru.

Chelsi Klukas ismli ayol dastlab YouTube’ga qo‘l ostidagi materiallardan ekranli niqob yig‘ish bo‘yicha oddiy qo‘llanmani e’lon qilgan. Video ostiga qoldirilgan izohlarda ko‘pchilik tayyor niqobni qayerdan xarid qilish mumkin deb so‘rayvergach, u ishlab chiqarishni yo‘lga qo‘yishga qaror qilgan.

It's here! Just in time for the weekend so I can do nothing other than create custom animations to put on my face pic.twitter.com/BhPqrrvnPB

— Mary Etta West (@_LightningHawk) July 17, 2020

U yuz uchun mo‘ljallangan oddiy matoni olgan va unga o‘nlab yorug‘lik diodlarga ega yupqa LED-displeyni qoplagan. Bu yuzga taqilgan niqobda biror matn yoki oddiy suratlar tasvirini tushirish uchun yetarli. Hatto uzun jumlalarni ham joylashtirish yoki musiqa uchun vizual ekvalayzerni yoqish mumkin.

Wear a effin mask (@lumencouture ) pic.twitter.com/xr5BKqfE8H

— Chris McMahon (@chris_mcmahon) July 5, 2020

Niqob ekranidagi tasvirlar smartfondagi ilova orqali boshqariladi — tayyor kutubxonadan biror matn yoki tasvirni ham tanlash mumkin. Faol rejimda niqob bir marta quvvatlanish orqali 3-4 soat ishlay oladi. Uni dezinfeksiya qilish uchun esa, barcha elektronikani olib qo‘ysa ham bo‘ladi.

Dizayner bu turdagi niqoblarni o‘zining sayti orqali 95 dollardan sotmoqda. Chelsining so‘zlariga ko‘ra, u buning ortida pul ishlab topish niyatida emas, shu sababli niqoblarni sotishdan ko‘rilgan barcha foydani u koronavirusga qarshi kurash fondiga xayriya qiladi.

Thanks for the mask @chelscore! pic.twitter.com/fJOPlepEQn

— vasuvasu (@vasuvasu) June 21, 2020