Xorvatiya tarixidagi ilk ayol prezident qasamyod qabul qildi

Xorvatiya prezidentlik saylovlarida g‘olib chiqqan ilk ayol – Kolinda Grabar-Kitarovich qasamyod qabul qildi, deya xabar bermoqda Agence France-Presse.

Inaugurasiya marosimidagi nutqida Grabar-Kitarovich “Xorvatiyani boy-badavlat mamlakatga aylantirish” uchun qo‘lidan kelgan hamma choralarni ko‘rishga va’da berdi.

Saylovlarda muxolifatdagi “Xorvatiya demokratik hamdo‘stligi” konservativ partiyasi nomidan ishtirok etgan Kolinda Grabar-Kitarov, ikkinchi turda amaldagi prezident Ivo Yosipovichni mag‘lub etdi.

Avvalroq, Yosipovich saylovlarda 51,4 foiz ovozni qo‘lga kiritgan Grabar-Kitarovichni g‘alaba bilan tabriklagan edi.

Manba: www.kun.uz