Ramzan Qodirov o‘g‘li boksda mag‘lub bo‘lsa Checheniston rahbariligidan ketmoqchi

Checheniston rahbari Ramzan Qodirov muxolif bloger Tumso Abdurahmonovga murojaat qildi. Unda Qodirov bloger uning 13 yashar o‘g‘li Adamni boksda mag‘lub eta olsa lavozimidan ketishini aytgan.

«Adam, bir bloger seni qopga o‘xshatyapti. Sen uni jangga chaqir. Mabodo u g‘alaba qilsa men respublika rahbarligidan ketaman. Bu uning orzusi, qani amalga oshirib ko‘rsin. Unda revolyutsiya qilish imkoni bor», — degan Qodirov Instagram jonli efirida.

Avvalroq, Qodirovning o‘g‘li Aslan Bittirov ismli jangchini yutganida shov-shuv bo‘lgan, jang haqqoniy kechmagani haqida gap-so‘zlar avj olgandi.