«Tolibon» Kobul aholisidan qurollarini topshirishni talab qilmoqda

^{Foto: Reuters}
Kobul aholisi bir hafta ichida qurollar va o‘q-dorilarni hamda hukumat mashinalarini topshirishlari kerak. Xuddi shunday talab bilan Afg‘onistonda nazoratni o‘z qo‘liga olgan «Tolibon» harakati chiqdi. Bu haqda «Tolibon» vakili Zabiulla Mujohid ma’lum qildi.

Uning ta’kidlashicha, Afg‘oniston poytaxti aholisi buni bir hafta ichida bajarishi kerak.
«Ular Afg‘oniston Islom Amirligi («Tolibon» siyosiy tizimining nomi)ning tegishli organlariga o‘tkazilishi kerak», deydi u.

Oldinroq «Tolibon» tinch aholi vakillaridan qurollarni tortib olayotgani haqida xabarlar tarqalgan edi.

Harakat vakillari, shuningdek, sobiq hukumat bilan tinch muloqot o‘rnatishga va sobiq amaldorlar o‘zlarini xavfsiz his qilishlarini ta’minlashga va’da bermoqda.