Sobiq rahbar: «Yandeks» Ukrainadagi harbiy harakatlar haqidagi yangiliklarni yashirmoqda

^{Tonya Samsonova.
Foto: «Hse.ru»}
The Question asoschisi va «Yandeks.Kyu» sobiq rahbari Tonya Samsonova «Yandeks»dan iste’foga chiqqanini ma’lum qildi. Bu haqda u «Facebook»da yozdi.

- «Yandeks» o‘zining yandex.ru qidiruv tizimining bosh sahifasida Rossiya qo‘shini Ukraina shaharlarini o‘qqa tutayotgani va tinch aholini o‘ldirayotgani haqidagi xabarlarni aks ettirmayotgani sababli meni o‘z xohishimga ko‘ra bo‘shatishlaringizni so‘rayman. Kompaniyaning bu ishini jinoyat hamda urush va qotilliklarga sheriklik deb hisoblayman», deb yozdi Samsonova o‘z arizasida.

«Yandeks» Samsonovaning ishdan bo‘shashi yuzasidan munosabat bildirishni istamadi.