Kuchli xotira siri aniqlandi

Kanadaning Vaterloo universiteti olimlari ovoz chiqarib o’qish kishi xotirasini kuchaytiradi degan qarorga keldilar.

O’tkazilgan tadqiqotda ishtirok etgan 95 kishi yozilgan ma’lumotlarni 4 usul: ovoz chiqarmay o’qish, ovoz chiqarib o’qish, o’z ovozini yozib olgancha eshitish, birov o’qigan ma’lumotni eshitish orqali eslab qolishga harakat qildilar. Natijalar esa ovoz chiqarib o’qish barcha usullardan samaraliroq ekanligini ko’rsatdi.

Tadqiqotchilar biror ma’lumotni eslab qolishda unga faol harakat ham qo’shilsa, natija kuchliroq bo’lishini qayd etdilar, deyiladi xabarda.