O‘zbekistonda dollarning rasmiy kursi qatorasiga to‘rtinchi kun pastladi

Markaziy bank xorijiy valyutalarning o‘zbek so‘miga nisbatan 23 iyunda amalda bo‘ladigan qiymatini belgiladi.

Unga ko‘ra, dollarning rasmiy kursi 48,91 so‘mga pastlab, 10 847,08 so‘mni tashkil qildi. Yevro 103,75 so‘mga tushib, 11 411,13 so‘m bo‘ldi. Rubl 4,15 so‘mga ko‘tarilib, 203,89 so‘m bo‘ldi.

^{Foto: Markaziy bank}
Bundan avval dollar kursi 10 900 so‘mdan tushib, mart oyidagi ko‘rsatkichlarga qaytgandi. O‘zbekiston tijorat banklarida esa 21 iyun kuni dollar kursi uch oy ichida birinchi marta 11 ming so‘mdan pastladi.