Xorazmda 10 milliard dollarlik yirik gaz-kimyo loyihasi amalga oshiriladi

^{Foto: Prezident matbuot-xizmati}
Xorazm viloyatiga tashrif davomida prezident Shavkat Mirziyoyev Energetika vazirligi, «O‘zkimyosanoat» AJ va yirik xorijiy investitsiya kompaniyasi rahbariyati bilan yig‘ilish o‘tkazdi.

Unda Xorazm viloyatida umumiy investitsiya hajmi 10 milliard dollardan ziyod bo‘lgan yirik gaz-kimyo loyihasini birgalikda amalga oshirish masalalari ko‘rib chiqildi.

Bo‘lajak quvvatlar yiliga 2,5 million tonna mahsulot ishlab chiqarishi va 3 ming ish o‘rni yaratishi kutilmoqda. Loyihani amalga oshirish muddati - 2024-2028 yillar.

Qayd qilinishicha, loyiha gaz-kimyo tarmog‘i rivojiga yangi sur’at bag‘ishlaydi va O‘zbekiston sanoatining flagmanlaridan biriga aylanadi.