«Aslida Alloh uni oʻziga chaqirgandi». Instagram’da Jasur Rafiqov xotirlanmoqda

«Ummon» guruhi xonandasi Jasur Rafiqov 14 noyabr kuni 31 yoshida saraton kasalligidan vafot etdi. Oʻzbek shou-biznesining bir qancha vakillari Instagram sahifasida marhum xonandani xotirlamoqda.

Aktyor Muhammadali Navroʻzov sahifasida «Ummon» guruhining sobiq xonandasi Jasur Rafiqov xotirasiga atab post qoldirdi.

Shuningdek, Muhammadali Nazroʻzov marhum doʻsti Jasur Rafiqov haqidagi xotiralarini yodga oldi.

«Yaxshi kundan esdalik. Eslaydigan yaxshi kunlarimiz juda ham koʻp edi, qiladigan ishlarimiz ham. Kechir, doʻstim, kech qoldim», — deb yozgan aktyor oʻz sahifasida.

«Million» kulgi jamoasi etakchisi Davron Kabulov marhum xonanda Jasur Rafiqov bilan tushgan suratini sahifasiga joyladi va uning san'at yoʻlidagi eng yaxshi insonlardan biri boʻlganini ta'kidladi.

Instabloger Shahlo Alijonova ham sahifasida «Ummon» guruhining xonandasi Jasur Rafiqovga atalgan post qoldirdi. U shuningdek obunachilaridan marhum xonandani duo qilishlarini soʻradi.

Aktrisa Yulduz Rajabova «Ummon» guruhining marhum xonandasi Jasur Rafiqovni yodga oldi va bu guruhni juda yaxshi koʻrgani haqida muxlislariga gapirib berdi.

Ijtimoiy tarmoqlarda Jasur Rafiqovni soʻnggi manzilga kuzatishgani aks etgan videolar tarqaldi.

pic.twitter.com/xWuEQnm9M5

— Shuxrat Razzakov (@ShuhratRazzakov) November 15, 2022

Xonanda Sardor Rahimxon ham oʻz sahifasida hamkasbi Jasur Rafiqov bilan bogʻliq xotiralarini boʻlishdi.

«Aslida uni Alloh oʻziga chaqirgan edi. Jasurga kelgan ogʻir xastalik ham faqat uni yanada Allohga yaqin qildi va ishonchim komilki, juda koʻp goʻzal ibodat, yaxshi amallariga sabab boʻldi», — deb izoh qoldirgan xonanda.

^{Foto: Instagram}
Muqaddas Sa'dullaeva boshqa hamkasblari qatorida Jasur Rafiqovni duo qildi.

«Ummon» guruhining xonandasi Zohid Risqievning rafiqasi Kamola Ortiqova turmush oʻrtogʻining yaqin doʻsti, hamkasbi Jasur Rafiqov haqida post qoldirdi va muxlislaridan uning haqiga duo qilishlarini soʻradi.

Instabloger Kamola Oripova sahifasida marhum xonanda Jasur Rafiqovni koʻrishga borolmagani armon boʻlib qolganini, uni xotirasida har doim yaxshi inson sifatida yodga olishini aytdi.