Jizzaxda kuchli yomg‘ir paytida YPX hodimiga qilingan harakat olqishlarga sababchi bo'ldi!

Jizzaxda kuchli yomg‘ir paytida olingan video ijtimoiy tarmoqlarda keng tarqaldi. Unda YPX xodimi jala ostida yo‘l harakatini tartibga solayotgani aks etgan.

Shu payt odamlar orasidan bir erkak yugurib chiqib, inspektor yoniga boradi. U YPX xodimiga yomg‘irpo‘sh kiydirib, unga oddiy, ammo juda ta’sirli yordam ko‘rsatadi.

Guvohlar bu holatdan ta’sirlanib, erkakning harakatini qarsaklar bilan olqishlagan. Ijtimoiy tarmoqlarda esa ko‘pchilik ushbu voqeani insoniylik va mehr namunasi sifatida baholamoqda.