Ikki nafar oliygoh rektori lavozimidan ozod qilindi

Jahon tillari universiteti rektori Ulug‘bek Azizov hamda Buxoro muhandislik texnologiya institutining rektori Nusratullo Barakayev lavozimidan ozod etildi.

^{Ulug‘bek Azizov / Foto: Facebook / Ulugbek_Azizov}
Oliy ta’lim vazirligi matbuot kotibining xabar berishicha, O‘zbekiston davlat jahon tillari universiteti rektori Ulug‘bek Azizov hamda Buxoro muhandislik texnologiya institutining rektori Nusratullo Barakayev ishdan olingan.

Nusratullo Barakayev prezidentning 2019 yil mart oyi oxirida Buxoroga tashrifi doirasida ishdan olingan Ulug‘bek Muhamedxanov o‘rniga Buxoro muhandislik texnologiya instituti rektori etib tayinlangandi.

^{Nusratullo Barakayev / Foto: daryo}
Sotsiologiya fanlari bo‘yicha falsafa doktori Ulug‘bek Azizov esa 2020 yilning avgust oyidan beri O‘zbekiston davlat jahon tillari universiteti rektori lavozimida ishlab kelayotgandi.