Komil Allamjonov va Sherzod Asadov Turkiyada Fahrettin Altun bilan uchrashdi

^{Foto: Twitter/Fahrettin Altun}

O‘zbekiston prezidenti Administratsiyasi axborot siyosati departamentining rahbari Komil Allamjonov va prezident matbuot kotibi Sherzod Asadov Turkiyaga borib, mamlakat prezidenti huzuridagi Ommaviy kommunikatsiyalar boshqarmasi boshlig‘i Fahrettin Altun bilan uchrashdi.

«Bugun biz O‘zbekiston prezidenti devonining axborot siyosati boshqarmasi boshlig‘i Komil Allamjonov va prezident matbuot kotibi Sherzod Asadov bilan mamlakatlarimiz o‘rtasidagi aloqa, ommaviy axborot vositalari va axborotlashtirish sohalaridagi hamkorlik imkoniyatlarini baholadik. Hurmatli birodarlarim, men janob Allamjonov va Asadovga yaxshi tashrif uchun rahmat aytmoqchiman. Turkiya va O‘zbekiston o‘rtasidagi aloqalar har qanday sohada bo‘lgani kabi aloqa va ommaviy axborot vositalari sohasida ham o‘zaro manfaatli asosdagi kuchli va malakali hamkorlik orqali chuqurlashishda davom etadi», deb yozdi Altun ijtimoiy tarmoqdagi sahifasida.