O‘zbekiston va Latviya iqtisodiy hamkorlik bo‘yicha yig‘ilish o‘tkazadi

^{Foto: TIV}

O‘zbekiston tashqi ishlar vazirining o‘rinbosari Muzaffar Madrahimov Latviya elchisi Reynis Troksha bilan uchrashdi.

TIV ma’lumotiga ko‘ra, tomonlar siyosiy muloqotni yanada mustahkamlash, savdo-iqtisodiy va investitsiyaviy hamkorlikni kengaytirish, madaniy-gumanitar aloqalarni faollashtirish bo‘yicha takliflarni ko‘rib chiqdi.

Raqamlashtirish, axborot-kommunikatsiya va «yashil» texnologiyalar sohasida hamkorlikni chuqurlashtirish muhimligi qayd etildi.

Bo‘lajak qo‘shma tadbirlar, xususan, tashqi ishlar vazirliklari o‘rtasidagi maslahatlashuvlarning 18-davrasi hamda iqtisodiy, sanoat va ilmiy-texnikaviy hamkorlik bo‘yicha hukumatlararo komissiyaning navbatdagi yig‘ilishini o‘tkazish jadvali yuzasidan fikr almashildi.