Endi maktablar oldida maxsus kameralar o‘rnatiladi

2024 yil 1 iyuldan boshlab yo‘l bo‘yida joylashgan maktablar oldida, kamida to‘rt tasmali yo‘llardagi piyodalar o‘tish joylarida, yo‘l-transport hodisalari o‘choqlarida, temir yo‘l kesishmalarida maxsus avtomatlashtirilgan foto va video qayd etish dasturiy-texnik vositalari bosqichma-bosqich o‘rnatiladi.

Bu borada Hukumatning tegishli qarori qabul qilindi.

Qarorga muvofiq, Ichki ishlar vazirligining «Xavfsiz shahar» tizimlarini rivojlantirish markazi tomonidan «Xavfsiz yo‘l va xavfsiz piyoda» respublika jamg‘armasi mablag‘lari hisobidan amalga oshirilib, YHXX tomonidan belgilanadigan joylarga o‘rnatiladi.