Toshkentda Traverse va Equinox to‘qnashuvida ikki kishi jarohatlandi

^{Foto: YHXB}
Toshkent shahar Shayxontohur tumanida 18 noyabr kuni Traverse va Equinox to‘qnashdi. Bu haqda poytaxt YHXB xabar qildi.

Holat soat 08:40 da Alisher Navoiy ko‘chasidagi «Asalari uyushmasi» qarshisida yuz bergan. YTH oqibatida Traverse mashinasidagi ikki nafar yo‘lovchiga birinchi tibbiy yordam ko‘rsatilgan.

Hodisa yuzasidan surishtiruv ishlari boshlandi.