Toshkentda tunnelda yong‘in: Gentra yonib ketdi

26-iyun kuni Toshkentning Yashnobod tumanida joylashgan Shimoliy temir yo‘l vokzali qarshisidagi yerosti tunnelida avtomobil yong‘ini sodir bo‘ldi, deb xabar berdi Nova24.uz.

Hodisa soat 11:29 da yuz bergan. Yong‘in haqida shahar yong‘in-qutqaruv xizmatiga xabar kelib tushgan. Ma’lum bo‘lishicha, Gentra rusumli avtomobil yongan.

Qutqaruvchilar 11:37 da voqea joyiga yetib borishgan va 11:40 da yong‘in to‘liq bartaraf etilgan. Hodisa oqibatida hech kim jabrlanmagan.

Yong‘inning sababi hozircha aniqlanmoqda.