Yunusobodda mast yigit pensioner mashinasini shikastladi

Toshkent shahar IIBB matbuot xizmati Yunusobod tumanida sodir bo‘lgan holat yuzasidan rasmiy ma’lumot berdi. Bu haqda upl.uz xabar beradi.

2 yanvar kuni Yunusobod tumani 13-mavzeda 1954 yilda tug‘ilgan fuqaro boshqaruvidagi “Matiz” avtomobiliga zarar yetkazilgani aniqlandi. Tekshiruvlar davomida mashina oynasini 1999 yilda tug‘ilgan, kuchli alkogol mastligi holatidagi erkak sindirgani ma’lum bo‘ldi va u qo‘lga olindi.

Holat bo‘yicha Yunusobod tumani IIB tomonidan tergovga qadar tekshiruv olib borilmoqda. Jarayon Toshkent shahar IIBB rahbariyati nazoratida.