Okeanariumdan 12 kilogrammli sakkizoyoq qochib ketdi

Vladivostokdagi Primorsk okeanariumidagi adaptasiya korpusidan Tinch okeanning 12 kilogrammli sakkizoyog‘i qochib ketdi, deb xabar berdi Darakchi.uz nashri.

Muzey xodimlari uni poldan topishdi. Sakkizoyoqning suyagi bo‘lmagani bois, u har qanday tirqishdan bemalol o‘tib ketadi. Sakkizoyoq jabrlanmagan, u sog‘-salomat o‘z joyiga qaytarildi. Mutaxassislarning ma’lumot berishicha, sakkizoyoq suvsiz va kislorodsiz 18 soat yashashi mumkin.

Mazkur sakkizoyoq 26 may kuni g‘avvoslar tomonidan Rus orolidagi okeanariumdan topishgan va adaptasiya korpusiga joylashtirishgan edi.