29 dekabr - Jizzax viloyati tashkil etilgan kun

Bundan 41 yil avval – 1973 yil 29 dekabr kuni Jizzax viloyati maqomi berilgan, deb xabar beradi “Jizzax” axborot portali.

Jizzax cho‘lini o‘zlashtirishni tezlashtirish va bu erda ishlab chiqarish kuchlarini yanada rivojlantirish maqsadida O‘zbekiston Oliy Kengashi rayosati 1973 yil 29 dekabrda “O‘zbekiston Respublikasi tarkibidagi Jizzax viloyatni tashkil etish to‘g‘risida”gi Farmon qabul qildi. Jizzax viloyati tarkibiga Sirdaryo viloyatidagi Jizzax, Zomin, Do‘stlik, Mirzacho‘l, Oktyabr (hozirgi Zafarobod), Paxtakor, Forish tumanlari, shuningdek Samarqand viloyatidan Baxmal va G‘allaorol tumanlari kiritildi.