Margʻilon shahridagi bozor yonib ketdi (video)

^{Foto: Videodan skrinshot}
Fargʻona viloyati Margʻilon shahridagi bozor yondi. Bu haqda ijtimoiy tarmoqlarda maʼlumotlar tarqatilmoqda. Xabar qilinishicha, yongʻin tungi soat 02:00da boshlangan.

Oziq-ovqat va xoʻjalik mollari sotiladigan bozordagi yongʻinga qarshi tongga qadar kurash olib borilgan. Yon-atrof hududlari ichki ishlar xodimlari tomonidan oʻrab olingani aytilmoqda.

Margʻilonda bozor birinchi marta yonmayapti. Xabar qilinishicha, avval ham xalq tilida “kombinat bozori” deb yuritiladigan joy 3-marta, “SUM” deyiladigani esa 2-marta yongan.