MIB tomonidan fuqaroga kompensatsiya undirib berildi

Navoiy shahar hududida yashovchi G.Ganiyevaning yashash xonadoni majburiy tartibda buzilib, unga kompensatsiya berilishi paysalga solinib kelinayotgan edi. MIB xodimlari uning joniga oro kirishdi.

Xususan, FIB Karmana tumanlararo sudining ijro varaqasiga asosan hokimiyat idoralaridan fuqaro Ganiyeva Gulnora Achilovna foydasiga 186 mln. 62 ming so‘m kompensatsiya va 1 000 000 so‘m yetkazilgan ma’naviy zarar undirilishi belgilangan edi.

MIB Navoiy shahar bo‘limi davlat ijrochisi M.Muxtorov tomonidan olib borilgan ijro harakatlari davomida 186 mln. 62 ming so‘m kompensatsiya hamda 1 mln. so‘m ma’naviy zarar pullari undirilishi to‘liq ta’minlanib, fuqaroning buzilgan huquqlari tiklandi.
G.Ganiyeva MIB xodimlariga o‘z minnatdorchiligini bildirgan.