AQSH harbiy delegatsiyasi O‘zbekiston Mudofaa vazirligida bo‘ldi

^{Foto: Mudofaa vazirligi matbuot xizmati}
AQSH Qurolli kuchlari Markaziy qo‘mondonligi strategiya, rejalashtirish va siyosat boshqarmasi boshlig‘ining o‘rinbosari, brigada generali Dyuk Pirak boshchiligidagi delegatsiya O‘zbekistonga tashrif buyurdi, deb xabar beradi Mudofaa vazirligi matbuot xizmati.

Ma’lum qilinishicha, tashrif doirasida brigada generali Dyuk Pirak O‘zbekiston mudofaa vazirining birinchi o‘rinbosari – Qurolli Kuchlar Bosh shtabi boshlig‘i general mayor Shuhrat Xolmuhamedov bilan uchrashgan.

^{Foto: Mudofaa vazirligi matbuot xizmati}
Uchrashuvda ikki davlat o‘rtasida xavfsizlik sohasi va harbiy hamkorlikning holati, uning istiqbollari muhokama etilgan.

^{Foto: Mudofaa vazirligi matbuot xizmati}
«Tashrifning keyingi kunlarida delegatsiya a’zolarini Samarqand shahrida joylashgan kichik mutaxassislarni tayyorlash markazi faoliyati bilan yaqindan tanishtirish, tarixiy shaharning diqqatga sazovor joylariga sayohat rejalashtirilgan», — deyiladi xabarda.