Samarqandda bedarak yo‘qolgan 16 yashar qiz topildi

Kuni kecha Samarqand shahrida yashovchi, 2005 yilda tug‘ilgan N.To‘raqulova ota-onasi bilan urushib qolib, 2021 yil 17 oktabr kuni soat taxminan 19:30larda hech kimga aytmasdan noma’lum tomonga chiqib ketib, bedarak yo‘qolganligi xabar berilgandi.

19 dekabr kuni bir fuqaro Samarqand viloyati IIBga qo‘ng‘iroq qilib, qiz to‘g‘risida ma’lumot bergan.

Qo‘ng‘iroqdan so‘ng, soat tungi 3:00 larda viloyat IIB JQB hamda YHXB xodimlari Nixola turgan joyni aniqlab, uni sog‘-salomat IIB ga olib kelishgan. Hozirda qizga ijtimoiy, psixologik yordam ko‘rsatish choralari ko‘rilmoqda.