Rossiyalik shifokor odamga bir qarab saraton belgisini aniqlash usulini aytdi

Tanadagi to‘q malla chiziqlar oshqozondagi zararli o‘simta belgisi ekani haqida darak berishi mumkin. Bu haqda rossiyalik shifokor va teleboshlovchi Yelena Malisheva “Perviy kanal” efirida ma’lum qildi.

“O‘zingizga yaxshilab razm soling. Agar qo‘ltiq va bo‘yinda qora chiziqlarni ko‘rsangiz, aslo issiqda kuyibman deya o‘ylamang. Bu akantoz deb ataladigan o‘ta jiddiy simptom”, - deydi mutaxassis

Uning hamkasbi vrach-immunolog Andrey Prodeusning qo‘shimcha qilishicha, bu simptom tuxumdon polikistiozi, qandli diabet va dermatit kasalligining belgisi hamdir.

Shifokor o‘zida bunday alomatni sezgan har bir kishiga oshqozon saratoni xavfini bartaraf etish uchun gastroskopiyadan o‘tishni maslahat berdi.