Qidiruvdagi ota o‘z mas’uliyatini tushundi

Fuqarolik ishlari bo‘yicha Shovot tumanlararo sudining ijro hujjatiga asosan qarzdor M.N.dan undiruvchi Sh.S. ning foydasiga ikki nafar farzandlarining moddiy ta’minoti uchun oylik ish haqi va boshqa daromadlarining uchdan bir qismi miqdorida aliment undirish belgilangan.

Biroq qarzdorni yashash manzilidan topish imkoni bo‘lmaganligi sababli qidiruv e’lon qilingan. Olib borilgan qidiruv tadbirlari natijasida qarzdor topildi. Uning alimentdan qarzi 2021 yil 1 dekabr holatiga 6 mln so‘mdan ziyod ekanligi aniqlandi.

Qarzdorga aliment to‘lovlariga befarqlik bilan qarash, voyaga yetmagan farzandni ta’minotsiz qoldirish qonunda belgilangan tartibda javobgarlikka tortilishiga sabab bo‘lishi haqida tushuntirilganda, qarzdor aliment pullari to‘lab berdi.