Oliver Sharkich "Paxtakor"ga kerak bo‘lmay qoldi?!

Mavsum boshida “Paxtakor”ga taklif qilingan legioner hujumchi Oliver Sharkich aftidan endi klubga kerak emas. Bizga yetib kelgan ma’lumotga qaraganda, kecha “Paxtakor” u bilan shartnomani bekor qilgan.

Bilasiz, \"Sherlar\" yaqinda polshalik hujumchi Pshemislav Banashak bilan shartnoma imzoladi.

Ma’lumki, chempionat avvalida Slavche Voyneski “Paxtakor”ga bosh murabbiy etib tayinlangach, Sharkich ham jamoa a’zosiga aylangandi.

Sharkich birinchi davrada Superliganing 9 ta o‘yinida maydonga tushib, 3 ta gol urdi. Shu kunlarda barcha masalaga oydinlik kiritiladi.