Ikromjon Aliboyev: "Shatskix boshqacha futbol talab qilyapti"

Superliga 14-turidan o‘rin olgan \"Paxtakor\" - \"Dinamo\" uchrashuvidan keyin (3:2), mezbonlar a’zosi Ikromjon Aliboyev o‘z fikrlari bilan o‘rtoqlashdi.

- Bugungi o‘yin haqida fikrlaringiz?
- Qiyin o‘yin bo‘ldi. Yangi murabbiy qo‘l ostida ilk uchrashuvimizni o‘tkazdik. Yutganimiz yaxshi va ularning 2 ta gol urganiga (12 yil deganda) kelsak, bu futbol. Har bir jamoa gol urish uchun harakat qiladi.

- Marat Bikmayev bilan birga o‘ynagansiz. Ko‘pchilik Bikmayevni hisobdan chiqarib bo‘lgandi, ammo bugun ikkita gol urishga erishdi. Mazkur hujumchi haqida nima deya olasiz?
- Bikmayev hali o‘zini ko‘rsatishga qodir. Bugungi o‘yin buni ko‘rsatdiki, uni hali hisobdan chiqarish kerak emas.

- Murabbiy almashdi. Slavche Voyneskining o‘yin uslubi jamoaga tushmadimi? Maksim Shatskixning g‘oyasi jamoa geniga yaqinroqmi?
- Albatta, yaqinroq deb o‘ylayman. Chunki, 2-3 ta o‘rtoqlik o‘yinida harakat qildik, tayyorgarlik jarayonida yaxshi taasurot qoldirdi. Avvalgi murabbiylar haqida esa gapirishni xohlamayman. O‘ylaymanki, 2-davrada bundan ham yaxshiroq o‘yin ko‘rsatamiz.

- Chempionlik yo‘lidagi asosiy raqib sifatida kimni ko‘rmoqdasiz?
- Ochkolarga qarasak, “So‘g‘diyona”da biz bilan teng ochko. “Navbahor”, “Nasaf” ... Umuman, qaysidir birini ajratib ko‘rsatolmayman, hammada imkoniyatlar teng.

- Kurash oxirgi turgacha davom etadimi?
- Men ham shunday o‘ylayman.

- Sharqiy Osiyoda o‘ynab keldingiz. Ketishingizdan oldin O‘zbekiston chempionatining saviyasi qanday edi va hozir qay holatda? O‘yinlar qiyinlashganmi?
- Ha, qiyinlashgan deb hisoblayman. O‘yinlar saviyasi ancha o‘sgan. Albatta, bundan futbolimiz yutadi.