Millatlar ligasi. Jamoalar yarim finaldagi raqibini bilib oldi

UEFA millatlar ligasi final bahslari 2023 yilning iyun oyida bo‘lib o‘tadi. Bellashuvlarga Niderlandiyaning Rotterdam va Ensxede shaharlari mezbonlik qilishi ko‘zda tutilgan.

Bugun yarim finaldagi ikki juftlik nomi ma’lum bo‘ldi. Unga ko‘ra, dastlabki bellashuvda Niderlandiya Xorvatiyaga qarshi maydonga tushsa, ikkinchi to‘qnashuv Ispaniya va Italiya jamoalari o‘rtasida kechadi.

Yarim final o‘yinlari 14 va 15 iyun kunlari o‘tkaziladi. Uchinchi o‘rin uchun bahs va final uchrashuvi 18 iyun kuni start oladi.