"Inter"ga qarshi 45 daqiqa harakat qilgan Shomurodovning o‘yiniga necha ball qo‘yildi?

A Seriya 26-turidan o‘rin olgan \"Spetsiya\" - \"Inter\" bahsi yakunlandi. Mazkur bellashuvda maydon egalari 2:1 hisobida kuchli raqibdan ustun keldi.

Dastlab, Shomurodov o‘rniga zaxiradan maydonga tushgan Maldini 55-daqiqada hisobni ochishga muvaffaq bo‘ldi. 82-daqiqada o‘tib borayotgan bir paytda Lukaku penaltidan unumli foydalanib, muvozanatni tikladi. Ko‘p o‘tmay, aniqrog‘i, 86-daqiqada \"Spetsiya\" ham 11 metrli jarima zarbasi tepish imkoniyatini qo‘lga kiritdi va Nzola penaltini golga aylantirdi.

Qayd etish lozim, legionerimiz Eldor Shomurodov uchrashuvni asosiy tarkibda boshladi va 2-taym avvalida zaxiraga olindi.

Quyida SofaScore portali orqali \"Spetsiya\" futbolchilariga qo‘yilgan ballar bilan tanishishingiz mumkin.