"Surxon": "Biz Xitoyga ketmoqdamiz!"

\"Surxon\" jamoasi Xitoyda yig‘in o‘tkazadi. Bu haqda klub matbuot xizmati xabar berdi.

\"Yaqin kunlar ichida jamoamiz Xitoyga uchib ketadi. Shanxay viloyatining Yuy Ling shahrida o‘tkazayotgan o‘quv-mashg‘ulot yig‘ini 18-25 iyul kunlarida bo‘lib o‘tadi.

Xitoydagi yig‘in doirasida o‘rtoqlik uchrashuvlari o‘tkazish rejalashtirilgan hamda yangi futbolchilar ko‘rikdan o‘tadi\", - deyiladi xabarda.

Ma’lumot o‘rnida, \"Surxon\" klubi ayni payt 19 ochko to‘plagan holda Superliga turnir jadvalining 6-pog‘onasini band etgan.