Evro-2016 musobaqasining eng chiroyli goli aniqlandi

UEFA 2016 yilgi Evropa chempionatining eng chiroyli golini aniqladi. Bu haqda \"UzReport.uz\" xabar berdi.

Vengriya terma jamoasi sardori Zoltan Geraning Portugaliya terma jamoasi darvozasiga kiritgan goli turnirning eng chiroyli gol sifatida e’tirof etildi.

Bu goldan tashqari, Shveysariya terma jamoasi yarim himoyachisi Jerdan Shakirining Polsha darvozasiga kiritgan \"qaychi\" uslubidagi goli, shuningdek, Uels hujumchisi Xel Robson Kanuning Belgiya darvozasiga kiritgan goli ham eng yaxshilar qatoridan o‘rin oldi.