"Xanchjou-2022". O‘zbekiston ayollar terma jamoasi yarim finalga chiqdi

Xitoyda bo‘lib o‘tayotgan Osiyo o‘yinlarida O‘zbekiston ayollar terma jamoasi yarim finalga yo‘l oldi.

Midori Xonda boshchiligidagi futbol bo‘yicha O‘zbekiston ayollar terma jamoasi ilk bor qatnashayotgan Osiyo o‘yinlarida yarim finalga yo‘l oldi.

Xitoy Taipeyiga qarshi kechgan chorak finalning asosiy vaqti 1:1 hisobida yakunlandi. Qo‘shimcha taymlarda zaxiradan maydonga tushgan Umida Zoirovaning goli qizlarimizga muhim g‘alabani keltirdi.