U-17 JCH. O‘zbekiston 1/8 finalda Angliyaga qarshi o‘ynaydi
18 noyabr kuni Indoneziyada o‘tayotgan 17 yoshgacha bo‘lgan o‘smirlar o‘rtasidagi jahon chempionatida guruh bahslariga yakun yasaldi. O‘zbekistonlik o‘smirlar pley-offda Angliyaga qarshi maydonga tushishi aniq bo‘ldi. Uchrashuv 22 noyabr kuni bo‘lib o‘tadi.
Eslatib o‘tamiz, Angliya o‘smirlar terma jamoasi Yangi Kaledoniya (10:0) va Eron (2:1) vakillariga qarshi o‘yinlarda zafar quchishgan bo‘lishsa, braziliyalik tengqurlari bilan kechgan uchrashuvda 1:2 hisobida yengilishgandi. Shunga qaramay inglizlar to‘plar nisbatiga ko‘ra С guruhida birinchi o‘rinni egallashdi.
Shu tariqa Marokash va Ekvador A guruhida, Ispaniya va Mali B guruhida, Angliya va Braziliya С guruhida, Argentina va Senegal D guruhida, Fransiya va AQSH E guruhida Germaniya va Meksika F guruhida 1-, 2-o‘rinlarni egallab pley-offga chiqishdi.
Eron (С guruhi, 6 ochko), Yaponiya (D guruhi, 6 ochko), O‘zbekiston (B guruhi, 4 ochko) hamda Venesuela (F guruhi, 4 ochko) eng yaxshi ko‘rsatkichga ega uchinchi o‘rinni egallagan to‘rt jamoa sifatida nimchorak finalda o‘ynash huquqiga sazovor bo‘lishdi.
