Otabek Shukurov Turkiya klubi bilan muzokaralar olib bormoqda

Terma jamoa bilan Qatarda bo‘lib o‘tayotgan Osiyo kubogida ishtirok etayotgan Otabek Shukurov turnir tugaganidan so‘ng yangi klubi bilan shartnoma imzolaydi. U katta ehtimol bilan Turkiyada qoladiganga o‘xshamoqda.

\"Fanatik\" nashri jurnalisti Burak O‘zdemirning xabar berishicha, yarim himoyachi \"Sivasspor\" bilan muzokaralar olib bormoqda. Ushbu klub Turkiya chempionatida 22-turdan keyin 6 ta g‘alaba, 8 durang va 8 mag‘lubiyat bilan 13-o‘rinda turibdi.

Avvalroq, Shukurov birinchi liganing ikkita jamoasidan taklif olgan, lekin u faoliyatini yuqori divizionda davom ettirishni istamoqda. \"Kojaelispor\" va \"Goztepe\" klublari futbolchimizni o‘z safiga qo‘shib olmoqchi edi.