"Dinamo" klubi "Neftchi" bilan Jizzaxdagi o‘yin uchun muxlislarga 9 ta bepul avtobus ajratadi

\"Dinamo\" jamoasi Superliga 2-turi doirasida Jizzaxda Farg‘onaning \"Neftchi\" klubini qabul qiladi.

Yakshanba kuni bo‘lib o‘tadigan o‘yinda \"Dinamo\" muxlislarining Jizzaxdagi o‘yinga tashkiliy tarzda borib-kelishi uchun fan-klub tomonidan 9 ta katta zamonaviy avtobus qo‘yilgan. Bu avtobuslarda muxlislarning fan-klub hamrohligida borib-kelishi bepul bo‘ladi.

\"Samarqand jamoasini qo‘llab-quvvatlashni maqsad qilgan muxlislarni 10 mart, yakshanba kuni soat 11:00 da \"Dinamo\" stadioni yonidagi fan-klub binosi (stadion kassasi) oldida yig‘ilishini so‘raymiz. Avtobuslar stadion yonidan soat 12:00 ga Jizzax shahriga jo‘nab, o‘yindan keyin yana \"Dinamo\" stadioni oldiga olib kelib qo‘yadi. Joylar chegaralangan bo‘lib, safarga borishni xohlovchi muxlislardan kechikmay kelish so‘raladi\", — deyilgan klubning ijtimoiy tarmoqdagi sahifalarida.

Eslatib o‘tamiz, \"Dinamo\" - \"Neftchi\" o‘yini Jizzaxdagi \"So‘g‘diyona\" markaziy stadionida 10 mart kuni soat 17:15 da boshlanadi.