O‘zbekiston terma jamoasi Braziliya bilan o‘rtoqlik uchrashuvi o‘tkazadi

Xose Venansio Lopes boshqaruvidagi O‘zbekiston futzal milliy terma jamoasi 6 va 8 sentyabr kunlari FIFA reytingi yetakchisi — Braziliya terma jamoasiga qarshi ikkita o‘rtoqlik uchrashuvi o‘tkazadi.

^{Foto: Getty Images}
Uchrashuvga O‘zbekiston termasi mezbonlik qiladi.

Eslatib o‘tamiz, O‘zbekiston terma jamoasi Tailandda o‘tkazilgan Osiyo kubogining yarim finalida Eronga mag‘lubiyatga uchrab, finalga chiqish imkoniyatidan mahrum bo‘lgan edi. Penaltilar seriyasida g‘alaba qozongan Eron finalda Tailandni mag‘lub etib chempionlikni qo‘lga kiritgan bo‘lsa, O‘zbekiston terma jamoasi penaltilar seriyasida Tojikiston termasini mag‘lubiyatga uchratib musobaqaning bronza medallariga ega chiqqan edi.

O‘zbekiston 2024 yilda futzal bo‘yicha Jahon chempionatini qabul qiladi. 26 may kuni Samarqandda qur’a tashlash marosimi bo‘lib o‘tadi. Musobaqalar 14—sentyabrdan 6 oktyabrgacha Buxoro, Andijon viloyatlari hamda Toshkent shahrida bo‘lib o‘tishi rejalashtirilgan.