O‘zbekiston Kubogining yarim finaliga qur’a tashlandi

Futbol bo‘yicha O‘zbekiston Kubogining yarim finaliga qur’a tashlandi. Unga ko‘ra, “Navbahor” “Paxtakor”ga qarshi, o‘z tarixida ilk bor yarim finalga chiqqan “Andijon” esa “Surxon”ga qarshi bahs olib boradi.

^{Foto: PFL}
Kubokning yarim final bahslari 30 avgust kuni bir vaqtda, ya’ni 19:00 da start oladi.

Eslatib o‘tamiz, “Paxtakor” chorak finalda “Bunyodkor”ni mag‘lub etib, yarim finalga chiqqandi. “Navbahor” esa “So‘g‘diyona”dan ustun kelgan, “Andijon” “Qizilqum”ni yirik hisobda taslim etgandi. Yana bir chorak final bahsida “Surxon” “Xorazm”ni qoldirib ketgan edi.