Otabek Shukurovning keyingi manzili aniq bo‘ldi

Otabek Shukurovning Turkiyadagi faoliyati o‘z nihoyasiga yetib bormoqda. U \"Kayserispor\"ni tark etyapti.

\"Sports.uz\"ga ma’lum bo‘lishicha, yarim himoyachi Saudiya Arabistonining \"Al-Feyha\" jamoasiga qo‘shilishga yaqin turibdi. Ushbu transfer uchun tomonlar 400 ming yevrolik kelishuvga erishgan. Tez orada transfer rasman e’lon qilinishi kutilmoqda.

Ma’lumot uchun, Shukurov o‘tgan qishda \"Kayserispor\" bilan shartnoma imzolagandi. Undan oldin esa \"Fotih Karagyumruk\" tarkibida to‘p tepgan futbolchimiz shu tariqa Yevropadan Osiyoga yo‘l oldi.