Osiyo chempionati. Jasurbek Yo‘ldoshev tojikistonlik bokschini mag‘lub etib finalga yo‘l oldi!

Ayni paytda Tailandning Chiang May shahrida kattalar o‘rtasida Osiyo chempionati bo‘lib o‘tmoqda.

9-kun doirasida, 86 kg vazn toifasida Jasurbek Yo‘ldoshev tojikistonlik Ahmadjon Saidovga qarshi ringga ko‘tarildi. Faol tarzda harakat qilgan hamyurtimiz 1-raundni o‘z foydasiga hal qildi.

Ikkinchi raundda Jasurbek raqibni 2 bor nokdaun holatiga solib qo‘ydi va so‘nggi raund ham yuqoridagilar kabi ssenariy ostida kechdi. Yakunda yurtdoshimiz haqli tarzda g‘alaba qozonib, finalga yo‘l oldi.