Shu ikki bokschidan biri Shahram Gʻiyosovning navbatdagi raqibi boʻladi

Yarim oʻrta vazn toifasida IBF chempioni Jeyron Ennis (33-0, 29 KO) WBA chempioni Eymantas Stanionis (15-0, 9 KO) bilan jang oʻtkazish borasida deyarli kelishuvga erishdi.

Mazkur bahs 12 aprel kuni Nyu-Jersi shtatining Atlantik-Siti shahrida boʻlib oʻtadi.

Ma'lumot uchun, ushbu vazn toifasidagi charm qoʻlqop ustamiz Shahram Gʻiyosov Stanionisning WBA kamari uchun majburiy da'vogar hisoblanadi. Hamyurtimiz yuqoridagi jang gʻolibiga qarshi ringga koʻtarilishi kutilmoqda.

Bu haqda Oʻzbekiston professional boks federatsiyasi xabar berdi.