"Plimut Argayl" “Liverpul”ni Angliya Kubogidan chiqarib yubordi (Video)

Angliya Kubogining to‘rtinchi bosqichida kutilmagan natija qayd etildi. Chempionship turnir jadvalida oxirgi o‘rinda borayotgan \"Plimut Argayl\" o‘z maydonida “Liverpul”ni 1:0 hisobida mag‘lubiyatga uchratdi va sensatsion g‘alabaga erishdi.

Uchrashuvdagi yagona gol 53-daqiqada Rayan Xardi tomonidan penaltidan kiritildi. “Liverpul” butun o‘yin davomida to‘pga egalik qilish (75%) va zarbalar bo‘yicha (14:10) ustunlik qilgan bo‘lsa-da, natijaga erisha olmadi.

Bu g‘alaba \"Plimut Argayl\" uchun tarixiy natija bo‘lib, “Liverpul” esa Angliya Kubogini tark etdi.