Osiyo chempionati: Oʻzbekiston amputantlar terma jamoasi finalda

Bangladesh poytaxti Dakka shahrida amputantlar futboli boʻyicha Osiyo chempionati boʻlib oʻtmoqda. Ilk bor tashkil etilayotgan ushbu qit\'a birinchiligida Oʻzbekiston terma jamoasi finalga qadar etib bordi.

Oʻzbekistonlik futbolchilar musobaqaning ilk turida Indoneziyaga qarshi maydonga tushib, 8:1 hisobida, ikkinchi turda Nepal jamoasiga qarshi oʻyinda esa 13:0 hisobida gʻalaba qozondi.

Oʻzbekiston terma jamoasi 3-tur bahsi doirasida mezbon sportchilar, Bangladesh termasiyem 3:0 hisobida magʻlub etdi.

Shu tariqa guruhda 9 ochko jamgʻargan Oʻzbekiston amputantlar jamoasi chempionat yarim finalini naqd qildi va ushbu bosqichda iroqlik sportchilarni 3:0 hisobda magʻlub etdi.