Abduqodir Husanov kim bilan futbolka almashgani aniq bo'ldi

\"Manchester City\" Erling \"yirtqich\" Holandning yagona goli evaziga \"Tottenham\" maydonida 1:0 hisobida g‘alaba qozondi. O‘zbekiston terma jamoasi himoyachisi Abduqodir Husanov esa 90 daqiqa davomida yuqori saviyali o‘yin namoyish etib, jamoasi mudofaasini bir necha bor \"tozaladi\".

Statistik baholar:
FlashScore – 7.2 ball
SofaScore – 7.1 ball

Qiziq fakt: Bugungi o‘yinda raqib bo‘lgan Husanov va Danso avvalroq \"Lens\" jamoasi himoyasida yonma-yon o‘ynagan. Husanov ko‘p narsani aynan avstriyalik himoyachidan o‘rgangan va Danso doimo uni qo‘llab-quvvatlagan. Shu sababli, Husanov uchrashuv yakunida aynan u bilan libos almashgani bejiz emas.