Mbappe final oldidan jarohat oldi

Real Madrid hujumchisi Kilian Mbappe Chempionlar Ligasi chorak final javob o‘yinida “Arsenal”ga qarshi bahsda jarohat oldi va o‘yinni davom ettira olmadi, deb euro-football.ru xabar berdi. U 75-daqiqada gazonga yiqilib, zaxiraga olindi. Uning o‘rniga Brahim Dias maydonga tushdi. O‘sha vaqtda hisob 1:1 edi, umumiy hisob esa “kanonirlar” foydasiga 1:4 bo‘lgan.

Hozircha Mbappening jarohati qanchalik jiddiy ekani noma\'lum. Eng xavotirli tomoni – atigi 10 kun ichida “Real” Ispaniya Kubogi finalida “Barselona” bilan o‘ynaydi.

Shuningdek, ushbu finalga qadar “Real” La Liga doirasida yana ikki uchrashuv o‘tkazadi: 20-aprel kuni “Atletik” Bilan va 23-aprel kuni “Xetafe”ga qarshi. Mbappe “Arsenal”ga qarshi ikki o‘yinda ham gol yoki assist qayd eta olmadi.