O‘rtoqlik o‘yini. "Dinamo" "Vitebsk"ni mag‘lubiyatga uchratdi
\"Dinamo\" klubi Belarus yig‘inidagi so‘nggi o‘yinida bugun \"Vitebsk\" klubiga qarshi maydonga tushdi. Minskdagi bahsda Vadim Abramov shogirdlari g‘alaba qozonishdi.
33-daqiqada hamyurtlarimizning hujumidan keyin raqib himoyachisi avtogolga sabab bo‘ldi – 1:0. Ikkinchi bo‘limda esa zaxiradan maydonga tushgan Behruzbek Obloqulov \"Dinamo\"ning ikkinchi goliga mualliflik qildi – 2:0.
Shu tariqa, \"Dinamo\" ketma-ket ikkinchi o‘yinda ham g‘alabaga erishdi. Jamoa ertaga, 26 iyul kuni O‘zbekistonga qaytadi.
\"Vitebsk\" (Belarus) - \"Dinamo\" (O‘zbekiston) – 0:2
Gollar: Yankovskiy 33 avtogol, B.Obloqulov 70.
\"Dinamo\": Ravshanbek Yagudin, Ulug‘bek Abdullayev, Jaloliddin Jumaboyev, Oleksandr Kucherenko, Sanjar Qodirqulov, Ratino, Dmitriy Pletnyov, Jahongir Abdusalomov, Richard Fraydey, Anvarjon Hojimirzayev, Ulug‘bek Hoshimov.
Zaxira: S.Karimov, A.Abdurasulov, M.Stanoyevich, F.Abdurahmonov, B.Nasimov, B.Obloqulov, M.Mirahmadov, A.Hoshimov, X.Xalilov.
