CAFA Nations Cup-2025. Tojikiston Hindistonga yutqazib qo‘ydi
Bugun \"CAFA Nations Cup-2025\" turnirida ikkinchi guruh o‘yinlari start oldi. Qo‘shnilarimiz hisoblangan Tojikiston terma jamoasi musobaqaning ilk uchrashuvida o‘z maydonida Hindiston bilan kuch sinashdi.
Darvozalarga 3 ta gol urilgan o‘yinda omad hindistonliklarga kulib boqdi (1:2). Tojikiston safidagi yagona golga \"Xorazm\" hujumchisi Shahram Samiyev mualliflik qildi. Keyingi turda 1 sentyabr kuni Tojikiston Afg‘oniston bilan, Hindiston Eron bilan to‘qnash keladi.
\"CAFA Nations Cup-2025\"
Tojikiston - Hindiston 1:2
Gollar: Shahram Samiyev 23 - Anvar Ali 5, Sandesh Jingan 13
Keyingi juftlikda Eron Afg‘onistonni 3:1 hisobida yengdi. Forslar safida gollarga Majid Hosseyni (dubl), Amirxosseyn Xosseynzoda mualliflik qilgan bo‘lsa, Afg‘onistondan Omid Musavi to‘p kiritdi.
