O‘zbekiston - Quvayt: jamoalar qanday libosda harakat qilishi ma’lum bo‘ldi

O‘zbekiston milliy terma jamoasi ertaga, 9 oktyabr kuni, Kuvaytga qarshi o‘rtoqlik bahsida maydonga tushadi. Bugun uchrashuv oldidan ikki jamoa rasmiylari ishtirokida ishchi yig‘ilish o‘tkazilib, o‘yinga oid barcha qoidalar, tushuntirishlar va zarur eslatmalar kelishib olindi.

Kiyim-bosh masalasi ham aniq: yurtdoshlarimiz to‘liq oq libosda harakat qiladi, darvozabonimiz esa yashil formada maydonga tushadi. Raqiblar kiyimi vaziyatga muvofiq belgilab olinadi.

Bellashuv Toshkentdagi «Olimpiya» stadionida 18:00 da start oladi. Muxlislardan qo‘llab-quvvatlashni ayamaslik so‘raladi — shiddatli o‘yin oldidan jamoaga quvvat beradigan eng muhim omil ham shu. Omad, «oq bo‘rilar»!