Rossiya terma jamoasi noyabr o'yinlariga chiptalar sotuvda

Rossiya futbol ittifoqi matbuot xizmati noyabr oyida boʻlib oʻtadigan BetBoom doʻstlik oʻyinlari uchun chiptalar savdosi boshlanganini rasman eʼlon qildi. Eslatib oʻtamiz, noyabr oyidagi terma jamoalar oʻyinlari oraligʻida Rossiya ikki Janubiy Amerika terma jamoasi bilan bahs olib boradi.

12-noyabr kuni Valeriy Karpin boshchiligidagi jamoa Sankt-Peterburg shahridagi yopiq "Gazprom Arena"da Peru terma jamoasini qabul qiladi. 15-noyabr kuni esa Rossiya termasi Sochining iliq iqlimida Chili terma jamoasi bilan uchrashib, 2025-yilgi taqvim yilini yakunlaydi.

Avvalroq, oktyabr oyidagi tanaffusda Rossiya termasi Volgogradda Eronni 2:1 hisobida magʻlub etgan va Moskvada Boliviyani 3:0 hisobida yirik gʻalaba bilan ortda qoldirgan edi.