PSJ yarim himoyachisi jarohat oldi

PSJning hujumkor yarim himoyachisi Dezire Due Fransiya chempionatining 10-turida \"Loryan\" jamoasiga qarshi bahsda jarohat oldi. Lequipe nashrining xabar berishicha, 20 yoshli vinger son jarohati sabab ikki-uch hafta davomida safdan chiqadi.

Joriy mavsumda Due sakkizta uchrashuvda maydonga tushib, uchta gol urdi va uchta golli uzatma berdi. \"PSJ\" va \"Loryan\" o‘rtasidagi bahs kutilmagan tarzda 1:1 hisobida yakunlandi.

Ushbu natijadan so‘ng Luis Enrike shogirdlari Fransiya chempionati turnir jadvalida eng yaqin ta’qibchidan bir ochko farq bilan peshqadamlikni davom ettirishmoqda.